2019 жылғы Президенттік жастар кадрлық резервінің резервисті, Айдана АБИШЕВА, Қазақстандағы ең жас әрі 6-шы кәсіби маман болып, Ұлыбританияның IoD – Chartered Director (расталған директор) Институтының ең жоғары дәрежесін алды.

Айдана Ақтөбе қаласының тумасы. «Алтын белгі» белгісімен РФМШ Жаутыков атындағы мектепті бітірді, Манчестер университетін экономикалық ғылымдар бакалавры дәрежесімен үздік дипломмен тәмамдады.

Ол ERG тобының қаржылық комплаенс жөніндегі басшысының орынбасары, тәуелсіз директор, директорлар кеңесінің мүшесі, «Ш. Уәлиханов атындағы Көкшетау университеті» НАО аудит жөніндегі комитетінің төрағасы, сондай-ақ «Қазтехнологиялар» АҚ-ның ( «Kazakhstan Engineering» АҚ еншілес компаниясы) тәуелсіз директоры, директорлар кеңесінің мүшесі.

Айдана сондай-ақ Ұлыбританияның Сертификатталған бухгалтерлер қауымдастығының (ACCA) мүшесі және ACCA-ның Директорлар жаһандық кеңесі жанындағы консультативтік орган болып табылатын халықаралық ассамблеясында Қазақстанды ұсынады.

Chartered Director мәртебесі Certificate және Diploma кезеңдерінен кейінгі үшінші қорытынды кезең болып табылады және оны беру директордың кәсібилігінің ең жоғары деңгейін көрсетеді. Бұған дейін Қазақстанда Chartered Director біліктілігіне Дамир Суентаев, Эльдар Абдразаков, Мухтар Бубеев, Камила Сыздықова және Елнар Адайбеков ие болған.

1903 жылы құрылған Ұлыбританияның Директорлар институты (IoD) – Корольдік хартия негізінде директордың біліктілігін (Chartered Director) растауға құқығы бар әлемдегі бірден-бір ұйым.

Дереккөз: ©Qazaq Independent Directors @qid_kz

 @prokadrykz парақшасына жазылыңыз