Астанада үш күндік «Корпоративтік басқару. Директорлар кеңесінің үздік тәжірибелері мен кейстері» тренингі өтті.

Үш күн ішінде қатысушылар стратегиялық және корпоративтік басқару саласындағы, Директорлар кеңесінің рөлі, сондай-ақ өзгерістерді басқару, цифрлық трансформация, комплаенс, ESG және тәуекел-менеджмент бағытындағы құзыреттіліктерін кеңейтті.Бағдарлама технологияларды енгізу, стратегия тиімділігін бағалау және стейкхолдерлермен өзара іс-қимыл мәселелерін қоса алғанда, теориялық тәсілдерді және практикалық кейстерді талдауды ұштастырды.

Тренинг корпоративтік басқарудың өзекті сын-қатерлерін талқылауға және тәжірибе алмасуға арналған алаңға айналды.

Спикерлер ретінде стратегия және корпоративтік басқару саласындағы сарапшылар: Алихан Байдусенов, Гульнара Мусина және Эльнура Абаканова сөз сөйледі.

Тренинг 26-28 наурыз аралығында 3 күнге созылды. Келесі оқыту — Certificate in Company Direction, IoD — 3 сәуірден 24 мамырға дейін (10 күн, демалыс күндері).

Қазақстандық Сертификаттау бағдарламалары жазда, сондай-ақ тек жекелендірілген корпоративтік сұраныстар бойынша өткізіледі.