QID және HAWKAMAH корпоративтік басқару саласындағы ынтымақтастықты талқылады

Дубайда Қазақстанның тәуелсіз директорлар қауымдастығы (Qazaq Independent Directors, QID) мен корпоративтік басқару институты Hawkamah – The Institute of Governance арасында жұмыс кездесуі өтті.

Іс-шараға QID қауымдастығы атынан атқарушы директор Эльмира Абаканова қатысты. Hawkamah тарапынан басқарма төрағасы Ахмед Гамаль және ұйым басшылығы болды.

Кездесу барысында тараптар корпоративтік басқару саласындағы озық тәжірибе мен біліммен алмасу мүмкіндіктерін, сондай-ақ бірлескен білім беру бағдарламаларын, тренингтер мен іс-шараларды өткізу перспективаларын егжей-тегжейлі талқылады. Қатысушылар корпоративтік басқарудың ашықтығы мен тиімділігін арттырудың бизнестің тұрақты дамуы және инвестиция тартудың негізгі факторлары екенін атап өтті.

Халықаралық стандарттарды және корпоративтік басқарудағы үздік практикаларды енгізу, оларды өңірлік нарықтың ерекшелігін ескере отырып бейімдеу, сондай-ақ тәуелсіз директорлар мен директорлар кеңесі мүшелерінің құзыреттерін дамыту мәселелеріне ерекше назар аударылды.

Келіссөздердің қорытындысы бойынша тараптар ынтымақтастықты жалғастыру және Қазақстанда және өңірде корпоративтік басқарудың халықаралық байланыстарын нығайтуға және кәсіби деңгейін арттыруға бағытталған бірлескен бастамаларды іске асыру жоспарлары туралы уағдаласты.

Бұл кездесу корпоративтік басқару саласындағы негізгі институттар арасында білім алмасуды дамыту және серіктестік желісін кеңейту жолындағы маңызды қадам болды.